ઉનાઈ : વાંસદા તાલુકાના સિંણધઈ ગામે આવેલ કુદરતી આફતને કારણે લોકોના જીવન પરિસ્થિતિ અત્યંત કરૂણ અને દયનિય બની ગઈ છે. ગામના બે ફળિયામાં અંદાજે 125 જેટલા પરિવારને ભારે નુકસાન વેઠવું પડ્યું છે. પવન અને વરસાદના મક્કમ પ્રહારે અનેક ઘરોના પતરા ઉડી ગયા છે તો કેટલીક ઘરો તો સંપૂર્ણપણે ખંડેરમાં પરિવર્તિત થઈ ગયાં છે. એવામાં વલસાડ-ડાંગના સાંસદ તથા પ્રજાજનોના દિલમાં વિશેષ સ્થાન ધરાવતા ધવલભાઈ પટેલે પોતાને કમરના અસહ્ય દુખાવા હોવા છતાં અસરગ્રસ્તોની મદદ માટે દીકરાપણું નિભાવ્યું છે.
પ્રથમ દિવસે જ પહોંચ્યા ગામે આફત બાદના પહેલા જ દિવસે સાંસદ ધવલભાઈ પટેલે ગામના સરપંચ રાજુભાઈ પટેલ, ડૉ. લોચન શાસ્ત્રી તેમજ વાંસદા સંગઠનની ટીમ સાથે ગામની મુલાકાત લીધી હતી. ઘેરેઘેર જઈને લોકોની સમસ્યાઓની જાણકારી મેળવી હતી. લોકો કઈ રીતે તકલીફોમાં જીવી રહ્યા છે, શો ખોટ સહન કરવી પડી રહી છે તે અંગે સીધી વાતચીત કરી હતી. સાથે જ તરતજ પોતાની ટીમને ફરી એકવાર સર્વે કરાવવાનો આદેશ આપ્યો હતો જેથી એકપણ અસરગ્રસ્ત પરિવાર મદદ વિના ન રહી જાય.
સામાજિક સંસ્થાઓને પણ જોડ્યાં ગામના લોકોની સ્થિતિને જોતા સાંસદશ્રીએ અનેક સામાજિક સંસ્થાઓ સાથે સંપર્ક કર્યો હતો. પરિણામે શરૂઆતના દિવસોમાં જ પતરા, અનાજની કીટ, તથા શાકભાજી જેવી જરૂરી ચીજવસ્તુઓ ગામમાં પહોંચાડાઈ હતી. ભોજન માટે લોકોને ખોરાક મળી રહે એ માટે સતત આયોજન કરાયું. તેમની ટીમ સતત ગામમાં રહીને પરિસ્થિતિ પર નજર રાખી રહી હતી.
બીજી વખત ફરી ગામની મુલાકાત આજરોજ સાંસદ ધવલભાઈ પટેલે બીજી વખત સિંણધઈ ગામની મુલાકાત લીધી. આ વખતે તેઓ સાથે વિશાળ પ્રમાણમાં રાહતસામગ્રી લઈને પહોંચ્યા હતા. ગામના સરપંચ રાજુભાઈ પટેલ, ડૉ. લોચન શાસ્ત્રી તથા સમગ્ર ટીમ સાથે તેઓ ફરી અસરગ્રસ્તોના ઘરોમાં પહોંચી તેમને સાંત્વના આપી હતી.
આ અવસરે 700 જેટલા પતરા, 5000 કિલો અનાજ તથા 160 જેટલી ભોજન કીટ ગામમાં વિતરણ કરવામાં આવી. સાંસદશ્રીએ ઘેરેઘેર જઈને વ્યક્તિગત રીતે સામગ્રી પહોંચાડી હતી.
“હું તમારો દીકરો બની મદદ કરીશ” – ધવલ પટેલ
આ પ્રસંગે સાંસદ ધવલભાઈ પટેલે ગામલોકોને સંબોધતા કહ્યું કે,
“સિંણધઈ ગામના લોકો આ દુઃખની ઘડીમાં એકલા નથી. હું એમનો દીકરો બનીને એમની તમામ જરૂરિયાતો પૂરી કરવા અનેક પ્રયાસો કરીશ. મુખ્યમંત્રીશ્રી સાથે આ બાબતે ગંભીર ચર્ચા કરી વહેલી તકે અહીંના લોકોને સહાય ચુકવવામાં આવશે. જેમને કોઈ પણ પ્રશ્ન હોય તેઓ મને સીધો સંપર્ક કરે. બાળકો માટે શિક્ષણની કીટ પણ આપવાની વ્યવસ્થા કરવામાં આવશે.”
તેમણે ખાતરી આપી હતી કે ખેતી પાક અને ઘરવખરીને થયેલ નુકસાનનું વળતર યુદ્ધના ધોરણે જાહેર કરવામાં આવશે અને તેની રકમ સીધા અસરગ્રસ્તોના ખાતામાં જમા કરવામાં આવશે. અસરગ્રસ્તોનો આભાર ગામના લોકો માટે આ સહાય એક મોટો આધારરૂપ બની છે. અણધારી આપત્તિના કારણે પોતાના ઘર, ઘરવખરી ગુમાવનારા લોકોને થોડો આત્મવિશ્વાસ મળ્યો છે. ગામલોકોએ એકસુરે સાંસદ ધવલભાઈ પટેલ તથા તેમની ટીમનો દિલથી આભાર માન્યો.
સામાજિક સેવા સાથે માનવીય સ્પર્શ સાંસદશ્રી પોતે તંદુરસ્તી દ્રષ્ટિએ મુશ્કેલીમાં હોવા છતાં (કમરના ગંભીર દુખાવા સાથે) પણ ગામની મુલાકાતે પહોંચ્યા હતા. એમની આ કામગીરી માત્ર રાજકીય ફરજ પૂરતી નથી રહી, પરંતુ તે માનવીય સેવા અને પ્રજાપ્રેમનું જીવંત ઉદાહરણ બની છે. લોકોની સાથે બેઠા, એમની વાતો સાંભળી અને સીધા ઘેરેઘેર જઈ મદદ પહોંચાડવી એ સામાન્ય રાજકારણી કરતાં વધુ એક માનવીય કાર્ય તરીકે લોકોના દિલમાં છાપ મૂકી ગઈ છે.
વાંસદા-વલસાડ માટે 24 કલાક કાર્યરત
ધવલભાઈ પટેલને અહીંના લોકો “24 કલાક 108 જેવી સેવા આપતા” સંબોધે છે. કારણ કે કોઈપણ મુશ્કેલી હોય – શિક્ષણ, આરોગ્ય કે આપત્તિ – તેઓ તરત જ પ્રજાજનોની વચ્ચે પહોંચી જાય છે. આ જ માનવીય અભિગમને કારણે તેઓ વાંસદા-વલસાડના પ્રજાજનોમાં લોકપ્રિય થયા છે.
આગળની રાહત યોજના
ગામમાં થયેલા નુકસાનના સર્વે બાદ મુખ્યમંત્રીશ્રી સાથે ચર્ચા કરી તાત્કાલિક રાહતની જાહેરાત થશે. ખેતી, પાક તથા ઘરવખરીને થયેલા નુકસાનના વળતર સીધા બેંક ખાતામાં જમા કરાવવાના પ્રયાસો ચાલી રહ્યા છે. સાથે જ બાળકોના શિક્ષણને અસર ન થાય તે માટે ખાસ કિટનું વિતરણ થશે.
સિંણધઈ ગામના અસરગ્રસ્તો માટે સાંસદ ધવલભાઈ પટેલે સતત બીજા દિવસે સહાય પહોંચાડીને માત્ર સામાજિક જવાબદારી જ નહીં પરંતુ દીકરાપણું પણ નિભાવ્યું છે. એમાં તેમની તંદુરસ્તીની પરવાv કર્યા વગર લોકોની વચ્ચે જઈને સાંત્વના આપવા તેમજ સહાય પહોંચાડવાની ભાવના સ્પષ્ટ જોવા મળી છે. ગામના લોકો માટે આ સહાય જીવનમાં ફરીથી ઉભા થવાનો પ્રેરણાસ્રોત બની છે.