યુનાઇટેડ કિંગડમમાં શિયાળાએ પોતાનો કડક પ્રભાવ બતાવ્યો છે. આજે 6 જાન્યુઆરી 2026ના રોજ યુકેના અનેક વિસ્તારોમાં તાપમાન માઈનસ 4 ડિગ્રી સેલ્સિયસ સુધી પહોંચી ગયું છે અને સતત બરફવર્ષા થઈ રહી છે. આવી કડકડતી ઠંડી વચ્ચે ગુજરાતના બી.એન. જોષી પરિવારએ અનોખો અને સાહસભર્યો અનુભવ કર્યો છે.
યુકેમાં વસતા બી.એન. જોષી પરિવારના સભ્યોએ ભારે બરફવર્ષા વચ્ચે ખુલ્લામાં બરફમાં નાહવાનો આનંદ માણ્યો. જ્યાં એક તરફ લોકો ઠંડીથી બચવા ઘરમાં રહેવાનું પસંદ કરે છે, ત્યાં જોષી પરિવારે બરફમાં ઉતરીને કુદરત સાથે અનોખી મસ્તી કરી. પરિવારના સભ્યોએ આ ક્ષણોને પોતાના મોબાઇલ કેમેરામાં કેદ કરી અને મિત્રોને તથા સગાસંબંધીઓને શેર પણ કરી.
પરિવારના સભ્યોએ જણાવ્યું કે, “ગુજરાત જેવી ગરમ હવામાનની આદત ધરાવતા અમારે માટે માઈનસ 4 ડિગ્રીમાં બરફમાં નાહવું એક અનોખો અને યાદગાર અનુભવ રહ્યો. શરૂઆતમાં ઠંડી ખૂબ લાગતી હતી, પરંતુ પછી શરીરમાં એક અલગ જ ઉર્જા અને તાજગીનો અનુભવ થયો.”
યુકેમાં હાલ શિયાળાની રજાઓ દરમિયાન બરફવર્ષા થતાં અનેક વિસ્તારોમાં રસ્તાઓ પર સફેદ ચાદર છવાઈ ગઈ છે. બાળકો બરફના માનવ બનાવતા જોવા મળે છે, તો યુવાનો સ્નો ગેમ્સ અને ફોટોગ્રાફીનો આનંદ લઈ રહ્યા છે. આવી પરિસ્થિતિમાં વિદેશમાં વસતા ગુજરાતી પરિવારો પણ યુકેની ઠંડી અને બરફવર્ષાને અનોખી રીતે માણી રહ્યા છે.
બી.એન. જોષી પરિવારનો આ અનુભવ સોશિયલ મીડિયામાં પણ ચર્ચાનો વિષય બન્યો છે. ગુજરાતમાં રહેલા સગાસંબંધીઓએ પરિવારના સાહસ અને ઉત્સાહની પ્રશંસા કરી છે. કડકડતી ઠંડી વચ્ચે પણ ખુશી અને હિંમતથી જીવન માણવાનો આ દ્રશ્ય અનેક લોકો માટે પ્રેરણારૂપ બન્યો છે.
