નાનાપોંઢા ગામે ક્રિકેટ પ્રેમીઓ માટે ઉત્સાહભર્યો માહોલ સર્જાયો છે. નાનાપોંઢા સરપંચ પ્રીમિયર લીગ (NSPL) સીઝન-5 2026નું ભવ્ય આયોજન તા. 01 થી 04 જાન્યુઆરી 2026 દરમિયાન ગામના અભય ક્રિકેટ ગ્રાઉન્ડ ખાતે કરવામાં આવ્યું છે. ચાર દિવસીય આ ટેનિસ ક્રિકેટ ટુર્નામેન્ટમાં આસપાસના વિસ્તારોમાંથી પ્રતિભાશાળી ખેલાડીઓ ભાગ લઈ રહ્યા છે, જેના કારણે સમગ્ર વિસ્તારમાં રમતોત્સવનું વાતાવરણ જોવા મળી રહ્યું છે.
હવે મારું ગુજરાતના સાચા
સમાચાર… બેધડક
કપરાડાના તાજા સમાચાર આખો દિવસ
વાંચો ફ્રીમાં, માત્ર દિવ્ય ભાસ્કર એપ પર
QR કોડ સ્કેન કરીને દિવ્ય ભાસ્કર એપ
નિઃશુલ્ક ડાઉનલોડ કરો
👇👇👇👇👇👇👇👇👇
https://divya.bhaskar.com/TlgkscAUhYb
ટુર્નામેન્ટના પ્રથમ દિવસે દીપ પ્રાગટ્ય સાથે ઉદ્ઘાટન સમારોહ યોજાયો હતો. આ પ્રસંગે ચિરંજીવી હોસ્પિટલના ડો. દિવ્યેશભાઈ ચૌધરી દ્વારા દીપ પ્રાગટ્ય કરવામાં આવ્યું હતું. સાથે જ એપીએમસી ચેરમેન મુકેશભાઈ પટેલે ટુર્નામેન્ટનું સત્તાવાર ઉદ્ઘાટન કર્યું હતું. કાર્યક્રમમાં કપરાડા ભાજપ પ્રમુખ વિપુલભાઈ ભોયા તેમજ ભાજપના પૂર્વ પ્રમુખ રમેશભાઈ ગાવીત સહિત અનેક અગ્રણી આગેવાનો, ગ્રામ પંચાયતના પ્રતિનિધિઓ અને રમતપ્રેમી આગેવાનો વિશેષ ઉપસ્થિત રહ્યા હતા.
ઉદ્ઘાટન પ્રસંગે મહેમાનોએ ખેલાડીઓને પ્રોત્સાહિત કરતા જણાવ્યું હતું કે, ગ્રામ્ય વિસ્તારના યુવાનોમાં રમતગમત પ્રત્યે વધતી રુચિ સમાજ માટે સકારાત્મક સંકેત છે. આવી લીગ દ્વારા યુવાનોમાં ટીમભાવના, શિસ્ત અને નેતૃત્વના ગુણો વિકસે છે. NSPL જેવી સ્પર્ધાઓથી છુપાયેલી પ્રતિભાઓને મંચ મળે છે અને ભવિષ્યમાં મોટા સ્તરે રમવાની તક સર્જાય છે.
ટુર્નામેન્ટમાં ભાગ લેનારી ટીમો વચ્ચે જબરદસ્ત સ્પર્ધા જોવા મળી રહી છે. દર્શકો મોટી સંખ્યામાં હાજર રહી ખેલાડીઓનો ઉત્સાહ વધારી રહ્યા છે. આયોજક સમિતિ દ્વારા વ્યવસ્થિત આયોજન, શિસ્તબદ્ધ વ્યવસ્થા અને ખેલાડીઓ માટે જરૂરી સુવિધાઓ પૂરી પાડવામાં આવી છે. NSPL સીઝન-5 નાનાપોંઢા માટે રમતગમતના ક્ષેત્રે એક યાદગાર ઉત્સવ બની રહેશે તેમ માનવામાં આવી રહ્યું છે.
રાકેશ યાદવ દ્વારા 4 બોલમાં 6 રન પ્રોત્સાહન ઈનામ આપવામાં આવ્યું
